Испания чемпионатининг жорий мавсумида 26-турга келиб Каталония клуби ўз дарвозасидан атиги 9 та гол ёки ҳар бир ўйинда ўртача 0,346 та гол ўтказиб юборди.

Бу билан «Барселона», жорий мавсумда Европанинг ТОП-5 лигаларида энг кам гол ўтказган клублар рўйхатида биринчи ўринни эгаллади.

Қайд этилишича, агар Хави шогирдлари худди шу руҳда давом этса, 1969/1970 йилги мавсумда Италиянинг «Кальяри» клуби ўрнатган рекордни янгилайди.

Ўша мавсумда жамоа чемпионатнинг 30 туридан сўнг ўз дарвозасидан 11 та гол ёки ҳар бир ўйинда ўртача 0,367 та гол ўтказиб юборган.

Агар «Барселона» қолган 12 турда тўрттадан кўп гол ўтказиб юбормаса, у ҳолда рекорднинг янги эгасига айланади.

• Барселона
• Футбол
• рекорд