Нью-Йорк шаҳри мезбонлигида ўтаётган теннис бўйича “Катта Дубулға” туркумига кирувчи АҚШ Очиқ чемпионатининг эркаклар ўртасидаги баҳсларида финалчилар аниқланди.

Дунёнинг иккинчи ракеткаси Карлос Алкарас ярим финалда ATP рейтингида еттинчи ўринни эгаллаб турган сербиялик афсона Новак Жоковичга қарши кортга чиқди. Икки соат-у 25 дақиқа давом этган баҳсда Карлос номдор рақибини уч сет натижасига кўра мағлубиятга учратди - 6/4, 7/6(4), 6/2.

Испаниялик теннисчи ўзаро учрашувларда ҳамон ортда қолмоқда, лекин тафовутни минимал даражага тушира олди - 4:5.

Шу тариқа, Карлос фаолиятида еттинчи бор “Катта Дубулға” турнирларининг финалига чиқди. Иккинчи бор эса US Open финалида бош соврин учун ўйнайди. Испаниялик теннисчи у учун ушбу ғалаба фаолиятидаги 60-ғалабасини қўлга киритди. У сўнгги 37 учрашувдан 36 тасида зафар қучди.

Мусобақа финалида ATP рейтингини бошқараётган италиялик Янник Синнер ва Алкарас тўқнаш келади. Финал баҳси эртага 7 сентябрь куни бўлиб ўтади.

• АҚШ
• ATP
• Новак Жокович
• Теннис