Бахт абстракт тушунча, яъни уни ҳар ким истагани каби тушунади. Бироқ умумий қабул қилинган меъёрлар бўйича бахтли инсон бўлиш учун бир нечта кундалик юмушларни бажариш кифоя қилади.

1. Ҳаётий мақсадларингиз ҳақида ўйлаб кўринг

Ўзингизга тез-тез эслатиб турингки, ҳаётнинг мақсади 10 соатлик, ҳафтада беш кун ишлаш, кейин пенсияга чиқиш ва ривожланган хорижий давлатларга кўчиб ўтиш дегани эмас. Ҳақиқий мақсад сизнинг чақирувингизни кашф қилиш ва унга борадиган ҳар бир қадамдан завқланишдир. Охир-оқибат, ортингизда нима қолади? Ушбу ҳолатда иккита савол туғилади: “Мен бошқа одамларнинг ҳаётига қандай таъсир қилдим?”, “Мен нимага хизмат қилдим ва нимани яхшироқ бажардим?”.

2. Мағлубиятга учраган фикрларни тўхтатинг

Ҳаёт вақти-вақти билан қийинчиликлар ва адолатсиз вазиятларни келтириб чиқаради. Бундай ҳолларда, салбий нарсалар ҳақида ўйламаслик, ташвишлар, шубҳалар ва ёмон башоратлар атрофида қайта-қайта айланиб юрмаслик керак. Ахир, муваффақиятли одамлар ва бошқалар ўртасидаги фарқ улар қанча вақт ўзларига ачинишларидир.

Биринчисидан ибрат олинг: оёққа туринг, мослашинг, муваффақиятсизликдан сабоқ олинг ва ундан фойдаланинг. Ўтмиш билан боғланиб қолманг. Бундай фикрлаш сизни бўғувчи айбдорлик ва таҳлил “фалажи”дан халос қилади.

3. Қувончни бошқалар билан баҳам кўринг

Биз доимо ёмон нарса ҳақида хабарларни эшитамиз ва баъзида салбийси атрофида ўралашиб қолмаслик жуда қийин. Дўстларингиз, оилангиз ва ҳамкасбларингизга яхши нарсаларни айтиб беришни одат қилинг. Сиз билан содир бўлган қувончли воқеалар ҳақида гапириш бахтга йўл эканлигини ўзингизга уқтиринг. Олимлар ўтказган тадқиқотларга кўра ҳафтада камида икки марта бошқа одам билан ижобий тажриба алмашган одамлар ўз ҳаётларидан кўпроқ мамнун бўлишган.

Қувонарли нарсаларни баҳам кўриш учун ҳар қандай имкониятдан фойдаланинг: мотивацион иқтибос, кулгили расм, илҳомлантирувчи ҳикоя, ҳазил, фойдали китоб, мақола, подкаст ёки шунчаки хушхабарлар. Бу бошқа одамнинг кайфиятини кўтаради ва унинг муносабати сизни ҳам илҳомлантиради.

4. Ижобий қарашларга эга одамлар билан мулоқот қилинг

Ҳаётдан абадий норози одамлар, чақирилмаган касаллик каби, атрофдагиларга ўзларининг кайфиятлари билан салбий таъсир ўтказишади. Салбий фикрлаш натижасида стресс ва ташвиш даражаси ошади, бахт ҳисси эса камаяди.

Мулоқот пайтида одамлар атрофдаги дунёни қандай қабул қилишларига эътибор беринг. Агар кимдир мукаммаллик талаб қилса ва доимо ҳаётнинг фақат ёмон томонини кўрса, у билан камроқ вақт ўтказишга ҳаракат қилинг. Сизни қўллаб-қувватлашга ва илҳомлантиришга тайёр бўлганлар билан кўпроқ мулоқот қилинг. Шунда ўзингизни кўкларга кўтарган бўласиз.

• Baxt
• Psixolog
• Tavsiya