Боливиянинг собиқ президенти Жанин Агнес 2019 йилги давлат тўнтаришига алоқадорликда айбланиб, 10 йилга озодликдан маҳрум қилинди. Ҳукм ҳақида Pagina Siete газетаси сайтида эълон қилинган.

Қайд этилишича, прокурорлар Агнесни 15 йилга озодликдан маҳрум этишни сўраган. Суд якуний ҳукмни жараёнда иштирок этган томонларга эълон қилган. Бироқ, расмий қарор бир неча кундан кейин эълон қилинади.

Маълум қилинишича, полиция собиқ президентни 2021 йил 13 мартга ўтар кечаси давлат тўнтариши иши доирасида терроризм ва фитна уюштиришда гумон қилиб ҳибсга олган. Тергов маълумотларига кўра, сиёсатчи конституция ва қонун нормаларига риоя қилмасдан ўзини ноқонуний равишда Боливия раҳбари деб эълон қилган. Шунингдек, ишлар бўйича суд жараёни 28 март куни бошланган, аммо ўша куни Агнеснинг йиғилишда бўлган асабий ҳолати туфайли у апрел ойига қолдирилган.

Таъкидланишича, аввалроқ Боливия собиқ раҳбари қамоқхонада калтакланганидан шикоят қилган. Бу ҳақда унинг қизи Каролина Рибера маълум қилганди, дейилади хабарда.

• Boliviya
• Жаҳон
• Президент
• Қамоқхона