Чоршанбага ўтар кечаси Бразилиянинг Риу-Гранди-ду-Сул штатида содир бўлган кучли циклон оқибатида 1,1 миллиондан ортиқ электр энергияси истеъмолчиси зарар кўрди. Шунингдек, бир киши ҳалок бўлган ва 12 киши жароҳатланган. Bu haqida РИА Новости хабар берди.

Штат ҳукумати маълумотларига кўра, Порту-Алегридаги Кашуэйринья муниципалитетида устига бино томи қулаши оқибатида бир киши ҳалок бўлган.

Айрим муниципалитетларда сўнгги суткада 100 миллиметрдан ортиқ ёмғир ёққан. Шамолнинг тезлиги эса соатига 100 километрдан ошган.

 Давлат фуқаро мудофааси хизмати сўзларига кўра, 4840 киши жабрланган, 12 киши жароҳатланган, 48 киши уйини ташлаб кетишга мажбур бўлган. Ҳозиргача Риу-Гранди-ду-Сулдаги 39 та муниципалитет вайроналар ёки бошқа ҳодисалар ҳақида хабар берган.

Шунингдек, қутқарувчилар минтақада яна ёмғир ва бўрон бўлишидан огоҳлантирган.

• Braziliya
• сув_тошқини