Бош прокуратура органлари томонидан ўтказилган текширувлар натижасида Бухоро вилояти Ромитан туманида жойлашган 5 та археология ёдгорлигига турли сабабларга кўра, жами 291,4 млрд сўмлик жиддий шикаст етказилганлиги аниқланган.

Хусусан, ноқонуний қазиш ва бузиш ишлари олиб борилганлиги сабабли, ўрта асрларга оид “Тепа 9» археология мероси объектига 269,6 млрд сўмлик, “Қалаи Муллабектепа” ёдгорлигига 19,7 млрд сўмлик, “Амиртепа” ёдгорлигига 1,1 млрд. сўмлик, “Хўжа Ҳаққитепа” ёдгорлигига 832 млн сўмлик ва “Тепа-5» ёдгорлигига 202 млн сўмлик зарар етказилган.

Маълум қилинишича, аниқланган ҳолатлар юзасидан жиноят иши қўзғатилиб, дастлабки тергов ҳаракатлари олиб борилмоқда.

• Бухоро
• ёдгорлик