АҚШнинг собиқ президенти Дональд Трамп ноябрь ойида бўлиб ўтадиган сайловлар олдидан президент Жо Байден билан дебат ўтказмоқчи эканлигини айтган. Бу ҳақда “Kazinform” хабар берди.
Қайд этилишича, Дональд Трамп радиога берган интервьюсида рақиби билан Оқ уйда баҳслашишни хоҳлашини айтган.
“Мен Байден билан мамлакат манфаати учун дарҳол мунозара қилмоқчиман”, - деди Доналд Трамп.
Жо Байден душанба куни Невада штатида тўхташ чоғида Дональд Трампнинг изоҳларига жавоб берди.
- “Дарҳолми? Агар мен унинг ўрнида бўлсам, мен ҳам мен билан гаплашишни хоҳлардим. Унинг бошқа қиладиган иши йўқ”, - деб жавоб берди Жо Байден.
Президентлик мунозаралари бўйича комиссия ўтган йили 2024 йилги учта дебатнинг саналари ва жойларини эълон қилди: 16 сентябрь, Сан-Маркосдаги Техас штат университетида, 1 октябрда Питерсбергдаги Виржиния университетида ва 9 октябрда Солт-Лейк-Сити шаҳридаги Юта университетида.
Байденнинг кампанияси ўша пайтда таклиф қилинган вақт жадвалини изоҳлашдан бош тортган.
2020 йилда Дональд Трамп ва Жо Байден одатдагидек учта мунозара ўрнига фақат иккита умумий сайлов дебатларида қатнашган. Трамп коронавирус билан касалланганидан кейин мунозаралардан бири бекор қилинган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!