Эстония парламенти Россияни “терроризмнинг ҳомийси” деб тан олди.

Парламентнинг барча 88 нафар депутати ушбу резолуция учун овоз берди.

Резолуцияда Украинага қилинган ҳужум фактининг ўзи ҳам, унинг асосий тафсилотлари – тинч аҳоли биноларига зарбалар бериш ва тинч аҳолининг ўлими, ҳудудларни аннексия қилиш ва “референдум” қораланди. Ҳужжатда Россияни БМТ Хавфсизлик Кенгашидан чиқариш талаби ҳам келтирилган.

Резолуциядан бир қанча радикал талаблар чиқариб ташланган. Яъни, мамлакат Европа Иттифоқини Россия билан дипломатик муносабатларни узиш, сиёсий бошпана бермаслик ва сафарбарликдан қочганларни чиқариб юборишни таклиф қилган.

Аввалроқ, ушбу резолуция Латвия парламенти томонидан ҳам қабул қилинган эди.

• Эстония
• Россия
• Евроиттифоқ