Номзодлар турнири ғолиби Жавоҳир Синдаров амалдаги жаҳон чемпиони Гукеш Доммаражуга қарши бўладиган учрашув ҳақида ўз фикрларини билдирди.

“Гукеш жуда кучли шахматчи. Буни унга қарши турли мусобақаларда, жумладан, Вейк-ан-Зее турнирида ўйнаганимда яққол ҳис қилганман. У юқори савиядаги шахмат намойиш эта оладиган, жуда кучли рақиб.

Ҳозирча унинг партияларини чуқур таҳлил қилишга киришганим йўқ. Айни пайтда мен учун олдинда турган мусобақаларни муваффақиятли якунлаш муҳим, чунки улар ҳам катта аҳамиятга эга. Бундан ташқари, яқин кунларда мамлакатимизда Олимпия ўйинлари бўлиб ўтади. Ана шундан кейин Гукешга қарши ўйин учун тайёргарликни жиддий равишда бошлайман”, – деди Синдаров.

• Шахмат
• Спорт