Google платформасида АҚШ долларининг сўмга нисбатан курси қисқа муддатга 6 778 сўм сифатида нотўғри акс этди. Бироз вақт ўтиб, курс яна 12 минг сўм атрофидаги ҳақиқий қийматига қайтди.

Марказий банк “Дарё” нашрига берган изоҳига кўра, ушбу ҳолат халқаро платформадаги техник носозлик сабаб юзага келган. Таъкидланишича, бошқа қидирув ва ахборот платформаларида валюта курси тўғри кўрсатилган. Маълумотлар акс этишида бундай хатоликлар вақти-вақти билан учраб туради, регулятор эса учинчи шахслар ва халқаро платформалар томонидан эълон қилинадиган ёки узатиладиган ахборот учун жавобгар эмас.

Валюта курсларига оид расмий маълумотлар Марказий банк ҳамда Республика валюта биржаси расмий сайтларида эълон қилиб борилади.

• Доллар
• Google
• Марказий банк