Ҳинд манбаларида Уттар-Прадеш штатидаги руҳоний, Темурийлар сулоласидан бўлган Заҳириддин Муҳаммад Бобурнинг суратини ёқиб юборган видео тарқалди. Маълум бўлишича, бу орқали улар, Бобур қурдирган масжид ўрнида ибодатхона қурилганини нишонлашган.

Тарихий ҳужжатларга кўра, ушбу ибодатхона биноси 1527 йилда Бобур буйруғи билан қурилган масжид ҳисобланган. Ҳамда Уттар-Прадешда 31 миллион нафарга яқин мусулмон аҳолиси яшаган. Бу масжид мусулмон аҳлига хизмат қилган. Бироқ 1992 йилда ҳиндлар бу бинони ўзларининг энг ҳурматли илоҳи, Рама зиёратгоҳи ўрнида қурилган деб даъво қилиб масжидни вайрон қилган. Бу ўша йили Ҳиндистонда катта диний низоларга олиб келиб, 2000 нафарга яқин асосан мусулмонлар ҳалок бўлган эди.

2019 йилда Ҳиндистон Олий суди масжиднинг вайрон қилинишини “қўпол қонунбузарлик” деб топди, бироқ бу ерни ҳиндларга бериб, мусулмонларга масжид учун бошқа ҳудудни таклиф қилди.

Аммо кўриб турганимиздек, Бобурийлар сулоласи асосчиси, Буюк Темурнинг набирасига нисбатан яна бир бор қўпол муносабат билдирилди.

• Ҳиндистон
• Zahiriddin Muhammad Bobur