Давлат хавфсизлик хизмати хабарига кўра, 2004–2006 йилларда туғилган бир гуруҳ ёшлар Телеграмда канал очиб, ИШИД ва “Туркистон ислом ҳаракати” каби террористик ташкилотларга оид материалларни тарқатишган.

Шунингдек улар ёпиқ гуруҳларда тарғибот олиб бориб, “жиҳод”, “ҳижрат”, “шаҳид” каби ёлғон шиорлар билан бошқаларни ҳам алдашга уринишган. Ҳатто Instagram орқали ҳам тақиқланган контентни тарқатишган.

“Давлат хавфсизлик хизмати ва бошқа ҳуқуқни муҳофаза қилувчи органлар томонидан ўтказилган тезкор тадбирлар натижасида ушбу шахслар қўлга олиниб, уларга нисбатан қонуний чоралар кўрилди”, – дейилади расмий хабарда.

*ИШИД Ўзбекистон ва Россияда тақиқланган террорчилик ташкилоти.

• ДХХ
• Diniy aqidaparastlik
• Terrorchilik