Маълумотларга кўра, АҚШнинг Мериленд университети тиббиёт мактаби тадқиқотчилари ис газидан заҳарланишга қарши янги антидот ишлаб чиққан. Асоси оқсилдан иборат мазкур препарат ҳақидаги тадқиқот натижалари Проcеэдингс оф тҳе Натионал Аcадемй оф Сcиэнcес журналида чоп этилган.

Тадқиқот муаллифларидан бири Марк Гледвиннинг айтишича, бу келажакда шошилинч ёрдам бўлимида ёки воқеа жойида тезкор томир ичига юбориладиган дори сифатида қўлланиши мумкин.

РcоМ-ҲБД-CCC номли янги препарат эса “губка” каби ишлайди: у қондаги ис газини тезда аниқлайди ва чиқариб юборади.

Сичқонларда ўтказилган тажрибаларга кўра, ушбу препарат қондаги ис газини эритротситлардан тезда ажратган ва сийдик орқали чиқариб юборган. Энг муҳими, у артериал босимга деярли таъсир қилмаган, бу эса босимни кескин ошириб юбориши мумкин бўлган бошқа заҳарланишга қарши антидотлардан фарқлидир.

Ис гази кислородга қараганда гемоглобин билан юзлаб марта мустаҳкамроқ боғланади ва натижада тананинг тўқималарига кислород етиб боришини тўхтатади. Янги препарат эса углерод оксиди молекулаларини “тутиб олиб”, гемоглобинни ундан озод қилади ва кислородни тўқималарга яна ташиш имконини бериши айтилган.

• АҚШ