Испания кубоги яримфинал жавоб учрашувида “Барселона” сафарда Мадриднинг “Атлетико”сига қарши майдонга тушди ва кичик 0:1 ҳисобидаги ғалабани қўлга киритди.

Учрашувдаги ягона бўлган голни 27-дақиқа Ферран Торрес Ламин Ямалнинг ажойиб узатмасидан сўнг дарвоза тўрига жойлаб қўйди. Жамоалар ўртасидаги илк баҳс 4:4 ҳисобида дуранг билан якунланган эди.

Шундай қилиб, Каталония жамоаси Испания кубоги финалига йўл олди. “Барселона” ҳал қилувчи учрашувда “Реал Мадрид” билан тўқнаш келади. Анчелотти шогирдлари финалга “Реал Соседад” устидан қозонилган ғалабага билан етиб келган.

Финал учрашуви 26 апрель куни Севилядаги “Ла Картуха” стадионида бўлиб ўтади.

Маълумот учун, “Реал” ва “Барса” бу мавсум ҳисобидан иккинчи марта титул учун баҳс олиб боради. Дастлабки тўқнашувда Испания Суперкубоги финалида “Барселона”нинг қўли устун келган эди.

• Барселона
• финал
• Футбол
• Ispaniya
• Real