33°
Кечаси 20°
Исроил ҳарбийлари Ғазодан отилган ракетани тутиб олганини маълум қилди.
Исроил мудофаа кучлари (ИДФ) Ғазо секторидан мамлакат томон иккита ракета учирилгани, улардан бири тутиб олинган, иккинчиси эса очиқ майдонга қулагани ҳақида хабар берган.
“Яқинда Нетивот ҳудудида ва Ғазо секторига яқин ҳудудларда янграган ҳаво ҳужуми сигналидан сўнг, иккита ракета Ғазо сектори марказидан Исроил ҳудудига йўл олгани қайд этилди . Бир ракета тутиб олинди, иккинчиси эса очиқ майдонга қулади”, — дейилади армиянинг Телеграм-каналида.
2023 йил 7 октябрда Исроил Ғазо секторидан мисли кўрилмаган ракета ҳужумига учради. Шундан сўнг ХАМАС жангарилари чегара ҳудудларига кириб, ҳарбийлар ва тинч аҳолига қарата ўт очди ва 200 дан ортиқ кишини гаровга олди. Расмийларга кўра, Исроил томонида 1200 га яқин одам ҳалок бўлган.
Ғазо маъмурияти маълумотларига кўра, 2023 йил 7 октябрдан буён Исроил ҳужумлари оқибатида қурбон бўлганлар сони 64 мингдан ошди, уларнинг аксарияти тинч аҳолидир.
Сўнгги ойларда Исроил Ғазо секторини блокадасини кучайтириб, зарур озиқ-овқат ва дори-дармонларни етказиб беришга тўсқинлик қилди. Бу аллақачон аҳоли ўртасида тўйиб овқатланмаслик туфайли қурбон бўлишига олиб келган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
