Италияда бўлиб ўтган парламент сайловларида ғалаба қозонган “Италия биродарлар” партияси раҳбари Жоржо Мелони мамлакат президенти Сержо Маттарелладан ҳукумат тузиш мандатини олди. Шу тариқа у мамлакат тарихидаги биринчи аёл бош вазир бўлди.

“Президент Мелони хонимга ҳукумат тузишни топширди, у бунга рози бўлди”, – деди президент маъмурияти бош котиби Уго Зампетти.

Шу билан бирга, у Мелони вазирлик лавозимларига номзодлар рўйхатини дарҳол давлат раҳбарига топширганини ҳам таъкидлади. Вазирлар портфелининг катта қисми унинг “Италия биродарлар” партияси вакилларига топширилди. Италиянинг янги ҳукумати 22 октябрь куни қасамёд қилади.

Қайд этилишича, Италияда бўлиб ўтган парламент сайловлари натижаларига кўра, “Италия биродарлар” партияси 26 фоиз овоз тўплади. Унинг коалициядаги ҳамкорлари Маттео Салвинининг муҳожирларга қарши лигаси ва собиқ бош вазир Силвио Берлусконининг мўътадил ўнг “Форза Италия” партияси вакиллари ҳисобланади.

• Бош вазир
• Италия
• Jorjo Meloni