Жанубий Кореяда полиция ҳарбий ҳолат жорий этилиши бўйича олиб борилаётган тергов жараёнида мамлакат ҳарбий разведка қўмондонлигининг собиқ ва айни пайтдаги раҳбарларини ҳибсга олди. Бу ҳақда Yonhap ахборот агентлиги хабар берди. “Тергов гуруҳи ҳозирги қўмондон генерал-майор Мун Сан Ҳо ва қўмондонликнинг собиқ раҳбари Ноҳ Сан Вонни ҳибсга олганини маълум қилди”, – дейилади хабарда.

Қўмондонлик раҳбари президент кутилмаганда ҳарбий ҳолат эълон қилганидан сўнг Квачхондаги Миллий сайлов комиссияси идорасига қўшин юборганликда гумонланмоқда. Армия воқеа жойига икки дақиқада етиб боргани сабабли, ҳуқуқни муҳофаза қилиш органлари ходимлари Муннинг президент ҳарбий ҳолат эълон қилиш ниятидан хабардор бўлгани ҳақида тахмин қилмоқда.

Жанубий Корея қонунларига кўра, полиция раҳбарларни сўроқ қилиш учун 48 соат ушлаб туриши мумкин. Бу вақт оралиғида суд томонидан расмий қамоқ ордери берилмаса, Мун Сан Ҳо ва Ноҳ Сан Вон озодликка чиқарилиши керак.

• Janubiy Koreya
• razvedka