Жиззах вилояти жиноят ишлари бўйича Зардор туман судида ичкилик истеъмоли оқибатида содир этилган жиноят иши кўриб чиқилди. Суд материалларига кўра, воқеа 2025 йил 13 июль куни соат 17:00 атрофида содир бўлган. 1980 йилда Сирдарё вилояти Сирдарё туманида туғилган судланувчи Жиззах вилояти Шароф Рашидов туманида қурилиш ишларида бирга ишлаётган таниши билан спиртли ичимлик истеъмол қилган. Шундан сўнг улар ўртасида келишмовчилик келиб чиққан.

Можаро давомида судланувчи ошхона пичоғи билан танишининг қорин ва кўкрак соҳаларига зарба бериб, унга қасддан оғир тан жароҳати етказган. Судланувчи суд мажлисида айбига иқрор бўлиб, қилган ишидан пушаймон эканини билдирган ва енгилроқ жазо сўраган.

Суд жабрланувчи ва гувоҳларнинг кўрсатмаларини, шунингдек, иш ҳужжатларини ўрганиб чиқиб, судланувчининг тўрт нафар фарзанди борлиги ҳамда мавсумий ишчи эканини инобатга олган. Натижада суд ҳукми билан у уч йил муддатга озодликдан маҳрум қилиш жазосига ҳукм қилинди. Жазо умумий тартибдаги колонияда ўталиши белгиланди.

• Жиноят
• Жиззах
• Pichoq
• qurilish