Ким Чен Ин Корея Халқ армияси бўлинмалари ўртасида ўтказилган миномёт экипажлари мусобақасини шахсан кузатди.

Маълумотларга кўра, машғулотлар давомида ҳарбийлар табиий ва сунъий тўсиқлардан ўтиш, тезкор жойлашиш, шартли нишонларни йўқ қилиш, шунингдек яшириниш ва тактик режага мувофиқ чекиниш каби кўникмаларни намойиш этган.

Тадбирда юқори лавозимли ҳарбийлар, жумладан Но Гван Чхол ва Ли Ён Гил ҳам иштирок этган.

Қайд этилишича, ҳарбийлар юқори жанговар тайёргарлик ва самарадорликни намойиш этган. Ким Чен Ин машғулот натижаларидан мамнун бўлиб, армияда жанговар тайёргарликни янада кучайтириш зарурлигини таъкидлаган.

Шунингдек, у келгусида ҳарбий бўлинмалар ўртасида янада рақобатбардош ва интенсив мусобақалар ўтказиш бўйича кўрсатмалар берган.

Мусобақа якунларига кўра, биринчи ўрин 11-корпусга қарашли бўлинмага, иккинчи ўрин 2-корпусга, учинчи ўрин эса 91-корпусга насиб этган.