Гулнора Каримовага оид халқаро коррупция иши бўйича суд жараёни 2026 йил 27 апрель куни Беллинзона шаҳридаги Федерал жиноят судида бошланади. Ишда Швейсария банклари ҳам иштирокчи сифатида тилга олинмоқда.

Тергов маълумотларига кўра, Каримова “Офис” деб аталган тармоқ орқали Ўзбекистон алоқа бозорига киришни истаган компаниялардан ноқонуний тўловлар ундириш ва маблағларни яширишда айбланмоқда. Иш 2008 йилларга бориб тақалади ва коррупция, жиноий уюшма ҳамда пул ювиш ҳолатларини ўз ичига олади.

Швейсарияда бир қатор банклар, жумладан Ломбард Odi, Credit Suisse ва бошқа молиявий институтлар орқали маблағларнинг ҳаракати ҳам текширилган. Айрим банклар эса ўз ходимларининг фаолияти бўйича назорат етарли бўлганми, деган савол доирасида жавобгарликка тортилган.

Ишнинг узоқ чўзилишига мураккаб молиявий схемалар, бир нечта давлатлар иштироки ва параллел тергов йўналишлари сабаб бўлган. 2025 йилда эса ишнинг иккита йўналиши ягона жараёнга бирлаштирилган.

Суд жараёни халқаро коррупция ишларида одатдагидан фарқли равишда узоқ йиллик тергов, кўп давлатли молиявий ҳужжатлар ва банк операцияларининг чуқур таҳлили билан ажралиб туради.