Ҳаёт давом этар экан, ҳар куни ўлим ва туғилиш динамикаси давом этади. Тарих эса хотираларда муҳрланишни истаган инсонларни саҳифаларига жойлаб қолади. 17 январь тарихига назар ташлар эканмиз, бу санада дунёга келган икки машҳур шахс ҳаёти ҳақида қисқача маълумот бериб ўтишни истадик. Уларнинг бири бутун дунёга кучи, иродаси ва одамийлиги билан танилган ҳамда енгилмас, деб тан олинган боксчи Муҳаммад Али. Шунингдек, болалигидан қийинчиликда ўсиб, ҳаётий ҳақиқатларни юмор ортига яширган актёр Жим Керридир.

Велосипед ўғриларини тутиш учун боксчи бўлган спортчи

Муҳаммад Али замонавий бокснинг асосчиси ҳисобланади. У олиб борган жанглар жанговар санъатнинг бир тури ҳисобланади. Унинг “Капалакдек учиб, аридек чақ” деган ибораси замонамизнинг кўплаб боксчиларига ўрнак бўлди. Муҳаммад Али (туғилгани Муҳаммад Али; асл исми Касциус Марселус Клей) 1942 йил 17 январда Луисвилда ( Кентукки, АҚШ)да туғилган. 1964 йилда Ислом динини қабул қилганида исмини ўзгартирган.

Уни боксга олиб келган нарса велосипедини ўғирлаган жиноятчилардан ўч олиш истаги бўлган. Касциус боксчи бўлиб етишди ва тезда муваффақиятларга эришди.

У 1960 йилда катта спортга келди ва дарҳол енгил вазн тоифасида Олимпия ўйинлари чемпионига айланди.

Шу пайтдан бошлаб спортчининг зафарли юриши бошланди. У ўтказган 31 та профессионал жанглар орасида 10 йил давомида бирорта ҳам мағлубият билмаган, жами умрида 61 та жангдан бор-йўғи 5 тасида мағлуб бўлган. Muhammad Али 1964-1974 йилларда профессионал оғир вазн тоифаларида бир неча бор жаҳон чемпиони бўлган.

1999 йилда у “Аср спортчиси” унвонига сазовор бўлди. Муҳаммад Али 1981 йилда спортни тарк этди негаки у Паркинсон касаллигига учраган эди.

У касаллик билан курашни ўзининг энг қийин кураши деб атади. Боксни тарк этгач, Муҳаммад Али ижтимоий ва сиёсий фаолият билан шуғулланган, ЮНИСEФнинг эзгу ният элчиси вазифасида ишлаган. Муҳаммад Али 2016 йил 3 июнь куни Скотсдейлда (Аризона, АҚШ) вафот этди.

Жим Керри- кулгу ортидаги заҳмат

Асил исми Жеймс Эугене бўлган Жим Керри 1962 йил 17 январда Канаданинг Нюмаркет шаҳрида (Онтарио) туғилган. Жим оиладаги уч фарзанднинг энг кичиги эди. Уларнинг оиласи камбағал яшар эди, болалар эрта пул топиш мақсадида ёшлигидан ишлашга мажбур бўлган. Жим ўйнашни, юзини грим қилишни яхши кўрарди, баъзи машҳурларга тақлид қилишга ҳаракат қилган. Жим ўн беш ёшида Юк-Юк клубида чиқиш қила бошлади ва тўрт йилдан сўнг Лос-Анжелесга бориб комедия шоуларида қатнаша бошлади.

Унга вақти-вақти билан фильмларда кичик ролларда ўйнаш таклифлари ҳам бўлган, бироқ уларда у ўзининг барча истеъдодларини тўлиқ намоён эта олмади. Koмедия актёри сифатида у илк бор 1994 йилда “Уй ҳайвонлари детективи” фильмидарол ижро этди. Фильм сценарийси ҳам Жим томонидан ёзилган. Фильм томошабинлар орасида катта муваффақият қозонди ва Жим Керри бир кечада машҳур бўлди. Шундан сўнг, Керри яна бир қанча муваффақиятли фильмларда роль ўйнади: “Ниқоб”, “Кабелчи”, “Ёлғончи’, “Брюс Қодир”, “Беғуборлик ақлнинг абадий қуёши”, “33 бахтсизлик”, “Жаноб Поппернинг пингвинлари”.

Актёрнинг комедик роллари орасида бутун дунё томоша қиладиган суғурта агентининг ҳаёти ҳақидаги “Трумен шоуси” трагедиясидаги роли алоҳида ажралиб туради. 2008 йилда Жим «Хортон» мултфилми дубляжида ўзини синаб кўрди. Шунингдек, ҳозирда турли телекўрсатувларда қатнашиб, турли телевизион лойиҳаларда вокалчи сифатида иштирок этади. Бугунги кунда Жим Керри ижодий фаолиятини давом эттирмоқда.

• Кино
• Шоу-бизнес
• Тарих
• қизиқарли