Ўзбекистон Ички ишлар вазирлиги Тезкор-қидирув департаменти томонидан АҚШ ҳуқуқ-тартибот идоралари ҳамда АҚШнинг Тошкентдаги элчихонаси билан ҳамкорликда қидирувдаги шахсларни аниқлаш ва Ўзбекистонга қайтариш ишлари давом эттирилмоқда.

Идора маълумотига кўра, навбатдаги тезкор тадбир натижасида Ўзбекистон Республикаси Жиноят кодексининг 276-моддаси 2-қисмида назарда тутилган жиноятни содир этганликда айбланаётган шахс АҚШда ушланган.

Маълум қилинишича, 1989 йилда туғилган Ўзбекистон фуқароси 2023 йилдан буён қидирувда бўлган. У Америка Қўшма Штатларининг Ню-Ёрк шаҳрида аниқланиб, ушланган ва белгиланган тартибда Ўзбекистонга депортация қилинган.

Қайд этилишича, ички ишлар органлари томонидан жиноят содир этиб, тергов ва суд органларидан яшириниб юрган шахсларни қидириш, уларни жавобгарликка тортиш бўйича халқаро ҳамкорлик доирасидаги тезкор-қидирув тадбирлари изчил давом эттирилмоқда.

• АҚШ
• Departament
• ИИВ