Танадаги ҳар қандай дардни даволаш, вазн ташлашдан то касалликка чалинмаслик учун бериладиган энг универсал тавсия “сув ичинг” деган ибора бўлиб қолди. Лекин сув ичиш доим ҳар бизга фойда келтирадими?

Буйраклар соатига тахминан 800-1000 мл.литр сувни қайта ишлашга қодир. Агар бу миқдор ошиб кетадиган бўлса, у ҳолда танадаги натрий баланси бузилади. Сув “мастлик” қон босимини тартибга солишни қийинлаштиради, бу эса мия фаолиятига, комага ва ҳатто ўлимга олиб келади. Бундан ташқари, шифокорларнинг таъкидлашича, ортиқча сув ичиш сувсизланиш каби хавфли. Айниқса буйрак билан боғлиқ муаммога эга инсонлар учун.

Вояга етган инсон кунига уч-тўрт литрдан ортиқ сув ичмаслиги керак.

Ҳатто бугунги кунда болалар ҳам кунига 2,5 литр сув меъёри ҳақида билишади. Шифокорлар мунтазам равишда тананинг ишлашини осонлаштириш учун кўпроқ суюқлик ичишни тавсия қиладилар, чунки инсон организми, сиз билганингиздек, 70-80 фоиз сувдан иборат. Суюқлик қоннинг меъёрий таркиби, миянинг озиқланиши, токсик моддаларни танадан олиб ташлаш ва ошқозон-ичак йўли фаолияти яхшиланиши учун зарурдир.

Сув ёрдамида вазн йўқотиш ҳам анча осонроқ ва ёшликни сақлаб қолади. Лекин биз кутган юқоридаги натижаларга эришиш учун ҳам сув ичиш тартиби ва миқдорини билиш керак.

Дарҳақиқат, бугунги кундаги машҳур тавсиялардан бири кунига 1,5-2 литр сув ичишдир. Кун давомида физиологик ҳолатлар, кўз ёши ёки терлаш орқали танадаги сувнинг маълум миқдорини чиқариб юборамиз. Унинг ўрнини тўлдириш албатта зарур. Лекин барчага тана хоҳишига кўра сув ичишни тавсия этилади. 1,5-3 литр сув бу умумий айтилган миқдор бўлиб, уни организмнинг талабидан келиб чиқиб истеъмол қилиш керак. 

Мутахассислар танага нисбатан сув миқдорини ҳисоблашда мисол тариқасида 60 кг вазнга эга инсон 2,4 литр сувни кун давомида ичиши курак. Яъни 1 кг вазнга 40 мл сув тўғри келади. Тананинг эҳтиёжи об-ҳавога қараб ўзгариб туришига аҳамиятли бўлинг.

Буни ҳисоблашнинг нима кераги бор?

Ортиқча сув соғлиғингизга салбий таъсир қилади. Ҳаддан ташқари кўп суюқлик истеъмол қилинганда буйраклар ва юракка юк кучаяди, овқат ҳазм қилишда муаммолар юзага кела бошлайди. Сув билан жуда эҳтиёт бўлиш зарур.

Назоратсиз қабул қилинган суюқликнинг кўплиги аянчли оқибатларга олиб келиши мумкин. Аксарияти ичак касалликларига сабаб бўлади. Тарихда бундай воқеалар кўп кузатилган. Улардан бири британиялик Жаклин Хенсен 2 соат ичида 4 литр сув ичиб, мия шишишидан вафот этган. Ишдан келган бу аёл телевизор томоша қилиб ўзи билмаган ҳолда ёнидаги идишда турган 4 литр сувни ҳўплаб 2 соат ичида ичади ва ўзини ёмон ҳис қила бошлайди. Боши оғрийди ва қайт қилади. Қисқа вақт ичида ҳушидан кетади. Танадаги сув миқдори кўпайгани сабабли юқоридаги ташхис билан вафот этади.

Яна бир ҳолат: Калифорниялик Женнифер Странге ноодатий мусобақада иштирок этишга қарор қилди. Бу ким кўп миқдордаги сувни тез ичишига бағишланган беллашув эди. У рекордни янгилади, яъни 6,5 литр сувни ичди. Аммо орадан 5 соат ўтгач, у сувдан заҳарланиб вафот этди. Ушбу хавфли мусобақани ўтказаётган радиостанция ходимлари ишдан бўшатилди.

Оқибатлари ўхшаш яна бир ҳолат Буюк Британияда қайд этилган. Туманли Албионда яшовчи 44 ёшли бемор оғриқ қолдирувчи дори ичишдан қўрқиб, тиш оғриғини йўқотиш учун 8 соат ичида 10 литр совуқ сув ичганлиги сабабли шифохонага ётқизилган. Мувофиқлаштириш ва нутқ билан боғлиқ муаммолар сабаб, у маст инсон каби ҳолатга тушади. Лекин текширувлар олиб борилганида спиртли ичимликларни аниқланмади. Маълум бўлишича, мия тўқималарида электролитлар мувозанатининг бузилиши сув билан заҳарланиш туфайли юзага келган. Маълум бўлишича, эркак уч кун кетма-кет 10 литр сувни ичган. Бу юрак ва бошқа тана аъзолари дош бера олмаган.

Шифокорларнинг таъкидлашича, бундай ҳолатлар организмга кириб келган сувни буйрак фильтрдан ўтказишга улгурмайди ва юқоридаги каби оқибатлар содир бўлади.
 

• Ичимлик суви