Тошкент халқаро инвестиция форуми 2026 йилда бўлиб ўтадиган юбилей 5-TIIF 2026 расмий ҳомийларини тақдим этади. Форум 16–18 июнь кунлари Тошкент шаҳрида бўлиб ўтади ҳамда дунёнинг турли мамлакатларидан етакчи инвесторлар, халқаро бизнес вакиллари, молия институтлари ва давлат ташкилотлари вакилларини бир майдонга жамлайди.

Форумнинг йирик халқаро ва миллий компаниялар томонидан қўллаб-қувватланиши Ўзбекистоннинг инвестициявий салоҳиятига бўлган юксак ишончни намоён этади ҳамда ТИИФнинг Марказий Осиёдаги етакчи инвестиция майдонларидан бири сифатидаги аҳамияти тобора ортиб бораётганини тасдиқлайди.

TIIF 2026ънинг Platinum ҳомийлари қаторидан Acwa, Висион Invest, Wildberries ва Uzum ўрин олган. Ушбу компаниялар ўз соҳаларида етакчи ҳисобланиб, энергетика, рақамли иқтисодиёт, электрон тижорат ва инвестициялар йўналишларидаги йирик лойиҳаларни амалга оширишда фаол иштирок этмоқда.

Форумнинг Gold ҳомийлари сифатида NRG BI Group, OTP Bank Uzbekistan (Ипотека Bank OTP Group) ва UET Group қатнашмоқда. Уларнинг иштироки молиявий инфратузилма, инвестицион консалтинг, саноат қурилиши ва тадбиркорликни қўллаб-қувватлаш йўналишларини ривожлантиришга инвесторларнинг қизиқишидан далолат беради.

AMEA Power ва Cengiz Energy компаниялари Форумнинг Silver ҳомийлари сифатида иштирок этмоқда. Ушбу компаниялар энергетика соҳасини ривожлантириш ҳамда замонавий инфратузилма лойиҳаларини амалга оширишга салмоқли ҳисса қўшиб келмоқда.

Ҳомийларнинг кўмаги туфайли Форум давлат, инвесторлар ва бизнес вакиллари ўртасидаги самарали мулоқот майдони сифатидаги ўрнини мустаҳкамлашда давом этмоқда. Бу эса инвестицияларни жалб этиш, халқаро ҳамкорликни кенгайтириш ва янги инвестиция ташаббусларини амалга оширишга хизмат қилади.

TIIF 2026 истиқболли лойиҳаларни муҳокама қилиш ҳамда Ўзбекистон ва бутун минтақанинг иқтисодий ривожланишига қаратилган янги алоқаларни ўрнатиш учун муҳим платформа бўлиб хизмат қилади.

• Форум
• Инвестиция
• Investitsiyalar va tashqi savdo vazirligi
• Тошкент