Мисрлик олимлар бундан 2300 йил аввал вафот этган ўсмир боланинг мумиёсини ўрганишди. Жасад кафанга ўралган эди. Зарарни олдини олиш учун текширув компютер томографияси ёрдамида ўтказилди.

Тадқиқот марҳумнинг зодагон оилага мансублигини кўрсатди. Унинг танасидан дафн маросимида муҳим рол ўйнаган 49 хил тумор ва гулчамбар топилган.

Туморлар олтин, ярим қимматбаҳо тошлар, пиширилган лой ва фаянсдан қилинган. Улар орасида қадимги Миср рамзлари бор эди. Бундай артефактлар танани ҳимоя қилади ва кейинги ҳаётда унга куч беради деб ишонишган.

Мумиё “Олтин бола” сифатида ҳам танилган, чунки унинг юзи олтин ниқоб билан қопланган. Бола 14-15 ёшида, катта эҳтимол билан табиий сабаблардан вафот этган. Унинг бўйи тахминан 128 см бўлган.

• Misr
• қизиқарли