НАТО бош котиби Марк Рютте Россия Хитойнинг илтимосига биноан ҳарбий альянс ҳудудига ҳужум қилиши мумкинлигини истисно қилмади.

“Агар Хитой Тайванга нисбатан куч ишлатишга қарор қилса, Си Сзинпин Россия президенти Владимир Путиндан НАТО ҳудудига ҳужум қилиб, дунё етакчиларининг диққатини ҳинд-тинч океани минтақасидаги вазиятдан чалғитишни сўраши мумкин”, - деб тушунтирди у “Тhе New York Times” газетасига берган интервьюсида.

Рюттенинг сўзларига кўра, бундай сценарий эҳтимоли ортиб бормоқда. Шу муносабат билан у Пекин ва Москвани тийиб туриш учун иккита асосий қадам зарурлигини таъкидлади. Улардан бири руслар ҳеч қачон ҳужум қилмаслиги учун ташкилотни кучайиши билан боғлиқ. Иккинчи мажбурий чора сифатида Рютте ҳинд-тинч океани минтақаси билан мудофаа саноати ва инновациялар соҳасида ҳамкорлик қилишни таъкидлади. Бундай ҳамкорликни президент Доналд Трамп бошчилигидаги АҚШ маъмурияти фаол равишда илгари сурмоқда.

“Бизда катта геосиёсий муаммо бор. Аввало бу - Россия. Улар уч ой ичида НАТОнинг барча аъзоларига қараганда уч баравар кўп ўқ - дорилар ишлаб чиқаришмоқда”, -  деди альянс бош котиби.

• Bosh kotib
• НАТО
• Тайван
• Хитой