Навоий вилоятида фуқарони обрўсизлантирмоқчи бўлган товламачилар ушланди. Бу ҳақда Бош прокуратура ҳузуридаги Иқтисодий жиноятларга қарши курашиш Департаментининг матбуот хизмати хабар берди.

Қайд этилишича, Бош прокуратура ҳузуридаги Департаментнинг Навоий вилоят бошқармаси томонидан ИИБ ходимлари билан ҳамкорликда тезкор тадбир ўтказилган. Ушбу жараён давомида, фуқаро С.С. ва бошқалар ўзаро тил бириктириб, фуқаро Д.Н.нинг шаъни ва қадр-қимматига путур етказадиган фотосуратларни ижтимоий тармоқларда тарқатиш ва оила аъзоларига кўрсатиш билан қўрқитиб, эвазига ундан 1 000 АҚШ доллари беришини талаб қилаётгани анқиланган. Шундан сўнг, 800 АҚШ долларини олган вақтларида ҳуқуқ тартибот органи ходимлари томонидан ашёвий далиллар билан ушланганлар.

Терговга қадар текширув давомида, фуқаро С.С. фуқаро Д.Н.ни юқоридаги каби ҳаракатлар билан қўрқитиб, жами 140 млн сўмини қўлга киритганлиги аниқланган.

Мазкур ҳолат юзасидан Жиноят кодексининг 165-моддаси (товламачилик) билан жиноят иши қўзғатилиб, терговга тегишлилига кўра юборилган.

• Departament
• Шахсий