Навбаҳор туман ИИБ навбатчилик қисмининг хабарига кўра, жорий йилнинг 2 июль куни соат тахминан 13:30 да Навбаҳор тумани, “Янги обод” МФЙда яшовчи вояга етмаган 13.07.2011 йилда туғилган Бахтиёров Равшан Аллаёр ўғли ҳамда 26.05.2011 йилда туғилган Сайдуллаев Азизбек Ойбек ўғлилари “Бешработ-Конимех” каналининг “Янги обод” МФЙ, Бунёдкор кўчасидан оқиб ўтувчи қисмида синфдошлари билан чўмилиш мақсадида боришган вақтида мазкур каналда чўкиб вафот этишган.

Мазкур ҳолат юзасидан ўтказилган терговга қадар текширув ҳаракатлари давомида, “Бешработ-Конимех” каналининг “Янги обод” МФЙ, Бунёдкор кўчасидан оқиб ўтувчи қисми кўздан кечириш вақтида жиноятга хос белгилар аниқланмади. Суд тиббий экспертизанинг дастлабки маълумотномасига кўра, вояга етмаган Р.Бахтиёров ва А.Сайдуллаевларнинг ўлимига “юқори нафас йўлларининг сув билан беркилишидан келиб чиққан механик асфиксия натижасида юзага келган” бўлиши мумкинлиги маълум қилинган.

Шунингдек, олиб борилган терговга қадар текширув давомида, Ҳудудий электр тармоқлари Навбаҳор туман бўлимининг тегишли мутахассислари жалб қилинган ҳолда туманнинг “Янги обод” МФЙ, Бунёдкор кўчасидан оқиб ўтувчи “Бешработ-Конимех” каналида ёнида жойлашган фуқаро А.Райимовга тегишли бўлган, деҳқончилик учун мўлжалланган дала ер майдонини суғориш учун қўйилган сув насоси ишчи ҳолатда каналга тушириб кўрилганда сувда электр кўрсаткичлари мавжуд эмаслиги аниқланган.

Ҳозирда мазкур ҳолат юзасидан Навбаҳор туман прокуратураси томонидан терговга қадар текширув ҳаракатлари ўтказилаётган бўлиб, натижаси бўйича қонуний қарор қабул қилиниши таъминланади.

• ФВБ
• ИИБ
• Навоий