АҚШ Олий суди Доналд Трампнинг Колорадо штатидаги Республикачилар партиясининг бошланғич сайловида иштирок этишини тақиқловчи суд қарори устидан билдирган шикоятини кўриб чиқишга рози бўлди. Бу ҳақда BBC хабар берди. Иш февраль ойида кўриб чиқилади ва қарор бутун мамлакат бўйлаб амал қилади.

Эслатиб ўтамиз, Колорадо суди қарорига кўра, Доналд Трамп 2021 йил 6-январдаги тартибсизликларда иштирок этгани учун партиянинг президентликка номзодини аниқловчи бошланғич сайловдаги номзодлар рўйхатидан чиқарилиши керак.

АҚШ Конституциясига киритилган 14-ўзгартиришга кўра, ҳукумат “қўзғолонда қатнашган” ҳар қандай шахсга федерал лавозимни эгаллашни тақиқлайди, бироқ собиқ президентнинг адвокатлари бу Трампга тааллуқли эмаслигини таъкидламоқда.

• АҚШ
• Конституция