Қозоғистоннинг Олмаота шаҳридан миграция тартибини бузган 40 нафар Ўзбекистон фуқароси мамлакат ҳудудидан чиқариб юборилган. Улар махсус рейс автобуслари орқали Қозоғистон–Ўзбекистон давлат чегарасигача барча хавфсизлик талабларига риоя қилинган ҳолда етказилган.

Олмаота Миграция хизмати бошқармаси бошлиғи Эркин Омонтоевнинг маълум қилишича, шаҳарда чет эл фуқароларининг миграция қонунчилигига риоя этиши ва қонуний яшаш тартиби доимий назорат қилинади. Қоидаларни бузган шахслар амалдаги қонунчиликка мувофиқ мамлакат ҳудудидан чиқарилади.

“Бизнинг вазифамиз – ҳуқуқий тартибни таъминлаш, шаҳар аҳолиси хавфсизлигини ҳимоя қилиш ва Қозоғистонда бўлган барча шахсларнинг қонунларга бўйсунишини таъминлаш”, – дейди Омонтоев.

• Almati
• Миграция
• Ўзбекистон
• Қозоғистон