Жиззах вилоятида фуқаронинг хонадонига газ ҳисоблагич ўрнатиб бериш ва ҳисоб рақами очишни ваъда қилиб, ундан 8 миллион сўм талаб қилган икки киши ушланди. Бу ҳақда Ички ишлар вазирлиги хабар берди.
Маълум қилинишича, гумонланувчилардан бири Жиззах шаҳрининг Олмазор маҳалласида яшовчи, 1981-йилда туғилган шахс бўлган. У Жиззах газ таъминоти филиалининг Шароф Рашидов тумани газ таъминоти бўлимида ишловчи, 1992-йилда туғилган ҳамкасби билан тил бириктирган.
Улар Шароф Рашидов туманидаги Янги Диёр маҳалласида яшовчи фуқаронинг хонадонига газ ҳисоблаш ускунасини ўрнатиб бериш ва ҳисоб рақами очишни ваъда қилган. Бунинг эвазига 8 миллион сўм талаб қилган. Фуқаро сўралган пулнинг 4,8 миллион сўмини олдиндан берган. Шундан сўнг улар ундан яна 2 миллион сўм талаб қилган.
Жиззах вилояти Ички ишлар бошқармаси тезкор ходимлари бошқа ҳуқуқни муҳофаза қилувчи органлар билан ҳамкорликда ўтказган тадбирда икки шахс пулни олаётган вақтида ашёвий далиллар билан ушланди. Ҳозирда ҳолат юзасидан терговга қадар текширув олиб борилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!