Вақт етишмаслиги, ўзини ёмон сезиш, самарадорликнинг пастлиги, мураккабликлар ва турли омадсизликлар ҳаётингизни нохуш қилувчи ёмон одатларга сабаб бўлиши мумкин. Омадсизликни тарк этиш учун эса ёмон одатлардан тезда халос бўлиш керак.

Ёмон одатлар ҳаётга салбий таъсир қилаётганини дастлаб сезмаслик ҳам мумкин. Фақат руҳан кучлиларгина салбий жисмоний ва ҳиссий одатлардан қутилиш учун ўзида куч топа олади. Ҳаётни тубдан яхши томонга ўзгартириш вақти етди.

1. Шошилишни камайтиринг. Кўп ҳолларда ишларимизни орқага сурамиз, вақти етганда эса шошилиб қоламиз, кечикамиз. Вақтдан оқилона фойдаланиш вақти етмадимикан? Лойиҳа ва топшириқлар ўз вақтида бажарилиши лозим. Режалаштиришни ўрганиб олинг.

2. Стрессга йўл қўйманг. Доимий равишда стресс ва зўриқишларни ҳис қиламиз. Стресс - бу бесаранжомлик, ташвиш ва бахтсизлик белгиси. Бунга ишхонадаги мураккабликлар, муҳаббатдаги муваффақиятсизликлар ёки соғлиқ билан боғлиқ муаммолар сабаб бўлиши мумкин. Сизни қийнаётган муаммони тезда ҳал қилинг. Стрессдан яхшиликка стимул сифатида фойдаланинг.

3. Носоғлом овқатни камайтиринг. McDonaldʼs, KFC, Burger King ва бошқа фаст-фудлар – бу замонавий жамиятнинг офати. Соғлом овқатланишдан саломатликка, гўзал қоматга ва яхши кайфиятга йўл бор.

4. Душманларни камайтиринг. Очиқ душманингиз бўлмаслиги мумкин, аммо яширинлари етарлича бўлади. Атрофингизда сизга халақит берувчилар борлиги аниқ. Улар ҳар қанақа ишга киришсангиз ҳам қўллаб-қувватлаш ўрнига танқид қилишади ва ишончингизни сўндиришади. Улар ёрдам бериш ўрнига орқага тортишади. Шундай одамлар билан ишланг-ки, уларнинг ўринли танқиди ишингиз ривожига ёрдам берсин.

5. Бефойда ишлардан чекининг, ялқовланманг. Эринчоқлик қиламизда, охирига етмай қолган иш туфайли азият чекиб юрамиз. Телевизор, ижтимоий тармоқлар, интернетдаги мақсадсиз селфилар ва компьютер ўйинлари вақтимизни зое қилади. Бу ишларга жуда чекланган миқдорда вақт ажратинг. Қатъий амал қилинг. Бироз қийналасиз, лекин ҳамма ишни уддалашга улгурасиз.

6. Тасодифий муносабатларга йўл қўйманг. Қизлар билан учрашиб юрасизми? Бахтсизмисиз? Муносабатлардан ўзини бахтсиз ҳис қилиш – бу севги эмас, ёлғизликдан қўрқишдир. Муносиб турмуш ўртоғи танланг, у сизни бахтли қилади. Аксинча бўлса, юрар йўлингизнинг охири бўлмайди.

7. Чекишни камайтиринг, иложи бўлса, чекманг! Чекиш асталик ва ишонч билан соғлиғингизни, потенциянгизни емиради. Электрон сигаретларнинг фойдаси йўқ. Наркотикларнинг турган-битгани ажал эканлигини унутманг!

8. Алкоголни ичмаганингиз маъқул. Алкоголь нафақат эрталабки кайфиятга, умуман кайфиятга жуда ёмон таъсир қилади. Юрак касалликлари, мия билан боғлиқ муаммолар, жигар циррози, саратон... Ичкилик худди мана шу касалликлар билан оғриш хавфи остида қолдиради. Бу сизга керакми?

9. Носоғлом ҳаёт тарзидан воз кечинг. Спорт билан шуғулланиб борганингиз сайин ўзингизни гўзаллашиб, соғломлашиб бораётганингизни, бахтиёрлигингизни ҳис қиласиз. Ҳафтасига 2 марта спорт билан шуғулланинг.

10. Ёмон фикрлашдан қайтинг. Ҳаётимизнинг яхши томонлари кўп. Борига шукур қилиб яшашни ўрганинг, аслида йўқ бўлган нарсадан нолийверманг. Яхшиликка интилинг. Ана ўшанда дунёнинг гўзалликлари янада ёрқинроқ намоён бўла бошлайди.

Сизда ёмон одатлар борми? Уларнинг ҳаммасидан воз кечиш вақти келмадимикан?

• Фойдали
• қизиқарли
• саломатлик