2022 йилда хакерлар криптовалюта бизнесларини рекорд даражада нишонга олишган, деб хабар беради ИИВ Киберхавфсизлик маркази.

Қайд этилишича, крипто биржалари, молия институтлари учун воситалар ва тадқиқотлар яратадиган блокчейн маълумотлари ҳамда дастурий таъминот хизмати провайдери бўлган «Chaynalisis»нинг энг сўнгги ҳисоботига кўра, ўтган йили крипто ҳамжамиятидан бузғунчилик туфайли 3,8 миллиард долларлик криптоактивлар хакерлар томонидан ўғирланган.

Электрон далиллардан маълум бўлишича, энг кўп криптовалюта хакерлари Шимолий Корея билан боғланган.

Қайд этилишича, Шимолий Кореялик кибержиноятчилар орасида энг машҳур гуруҳ бу «Lazarus Group» ҳисобланади.

Бутун дунё бўйлаб кўплаб кибержиноятларни содир этган гуруҳ томонидан «Harmony Blokcheyn» хакерлик ҳужуми натижасида 100 млн. доллар криптоактив ўғирланган.

• Киберхавфсизлик
• Криптовалюта