Ойбек Турсунов Капиталбанк аффилланган шахслари рўйхатидан чиқарилди. Бу ҳақидаги маълумотлар Ягона корпоратив ахборот порталида эълон қилинган. 

Ойбек Турсунов молия муассасасининг асосий акциядори бўлгани учун 2021 йилнинг ноябр ойидан буён ушбу рўйхатга киритилган эди.

Маълумот ўрнида айтиш жоизки, 2021 йил 29 октябр куни Ойбек Ботирович Турсунов “Капиталбанк” акциядорлик тижорат банки устав капиталидаги 34,10 фоиз акцияни сотиб олганди. Шу билан, Банкдаги у эгалик қиладиган жами акциялар 50 фоизга етгани ҳақида хабар берилган эди. 

Бундан ташқари, миллиардер Алишер Усмоновга тегишли USM Holding компаниясининг шўба корхонаси бўлган “Телекоминвест” ноябр ойида “Капиталбанк”нинг 215,3 миллиард сўмлик акцияларини сотиб олган эди.

Хусусан, “Телекоминвест” 2022 йил январ ойида “Капиталбанк”нинг 8,33 фоиз акциясини сотиб олганидан сўнг компаниянинг банкдаги умумий акциялари 25 фоизга етди.

• Капиталбанк