Ўзбекистон хомашё бозорида АИ-92 бензинининг нархи бир кунда сезиларли даражада ошди. Бу ҳақда Ўзбекистон Республика товар-хом ашё биржаси (ЎзРТХБ) сўнгги маълумотларида эълон қилинди.

Маълум қилинишича, АИ-92 бензинининг нархи бир кун ичида 7,4 фоизга ошиб, бир тонна учун 12,72 млн сўмдан кўтарилган.

Нархларнинг бу ўсиши савдо ҳажмининг кескин пасайиши билан бир вақтга тўғри келган. Бозор танқислиги ва нарх динамикаси, биржада сотилган ва рўйхатга олинган бензин ҳажми икки баравардан кўпроққа камайган. 

Ўтган кеча, 13 март куни бозорда 3784 тонна бензин сотилган бўлса, 10 март куни бу кўрсаткич атиги 1835 тоннани ташкил этган. 

Иқтисодчи Отабек Бакиров ўз Telegram саҳифасида ёқилғи бозоридаги ҳозирги вазиятни танқид қилиб, қуйидаги фикрларни билдирган.

“Биз кутгандик, биз билгандик: Бензин нархи кескин қимматлаган. Байрамдан кейинги илк биржа савдоларида 92 тоифадаги бензиннинг тоннаси 878,9 минг сўмга ёки 7,4 фоизга қимматлаб, 12,7 млн.сўмдан ошган. 

Кўп марта такрорланганидек ва кутганимиздек, нефть нархининг ошиши олигархия ва монополистларга зўр баҳона бўлди. Бунинг устига метан заправкалар қачон очилиши айтилмай ёпилган” – дея ёзиб қолдирган.

• Бензин
• Нарх-наво