Ўзбекистоннинг ташқи сиёсатдаги позицияси қандай? Қайд этилишича, фақат оқилона муросага асосланган дипломатия барча томонларнинг манфаатларига бирдек ва зиддиятсиз жавоб беради.

Ўзбекистон Республикаси Ташқи ишлар вазири Владимир Норов “Янги Ўзбекистон – ўзгарувчан ва ўзаро боғлиқ дунёда ишончли ҳамкор” мавзусида ўтган давра суҳбатидаги нутқида шундай баёнот берди.

Ўзбекистон Ташқи сиёсат идораси раҳбари қайд этганидек, бугунги кунда прагматик ва конструктив дипломатия ғоят муҳим аҳамиятга эгалигини ҳаётнинг ўзи кўрсатмоқда:

“Ўзбекистон можаролар ва қарама-қаршиликлар фақат ҳалокатли оқибатларга ва ғолиблар бўлмайдиган вазиятларга олиб келади, деган фикрга қатъий амал қилади. Оқилона муросага асосланган дипломатиягина барча томонларнинг манфаатларига тенг ва зиддиятсиз жавоб беради”.

Ўзбекистон Республикаси Президенти Шавкат Мирзиёев таъкидлаганидек, самарали халқаро ҳамкорлик дунёда барқарор, ишончли ва фаровон тараққиётнинг энг муҳим омилидир. Бу давримиз муаммоларини ҳал қилиш, фавқулодда инқирозли вазиятларни ҳал қилишнинг энг аниқ, мақбул ва самарали йўлидир.

• Tashqi ishlar vazirligi
• Владимир Норов