Европада кузатилаётган рекорд даражадаги жазирама фонида кондитсионерлар атрофидаги сиёсий баҳслар кучаймоқда. Тҳе Гуардиан хабарига кўра, айрим сиёсий партиялар ҳукуматларни экологик талаблар сабаб биноларга кондитсионер ўрнатишни мураккаблаштираётганликда танқид қилмоқда. Германияда 28-июнь куни ҳаво ҳарорати 41,7 даражагача кўтарилгач, “Германия учун муқобил” партияси вакили Марк Бернхард амалдаги иқлим сиёсати нотўғри қарорларга олиб келаётганини билдириб, кондитсионерлардан воз кечиш жазирама оқибатидаги ўлимлар сонини ошираётганини таъкидлади.

Франсияда эса ўнг қанотдаги “Миллий кенгаш” партияси ҳам иқлим сиёсатини танқид қилиб, кондитсионерлар масаласини асосий сиёсий мавзулардан бирига айлантирди. Жаҳон соғлиқни сақлаш ташкилоти раҳбари Тедрос Гебреесус Европани дунёдаги энг тез исиётган қитъа деб атаб, илгари кам учрайдиган иссиқлик тўлқинлари эндиликда деярли ҳар йили кузатилаётганини таъкидлади. Блоомберг маълумотларига кўра, 2026-йил июнь ойидаги рекорд иссиқ сабаб Европада Хитойда ишлаб чиқарилган мобил кондитсионерларга талаб кескин ошган. Халқаро энергетика агентлиги ҳисоб-китобларига кўра, Европа уй хўжаликларининг қарийб 20 фоизида кондитсионер мавжуд. Мутахассислар бунга айрим мамлакатларда йирик совутиш тизимларини ўрнатишга қўйилган чекловлар ҳам сабаб бўлаётганини қайд этмоқда.