Россия президенти Владимир Путин Херсон ва Запорожье вилоятларини мустақил ҳудудлар, деб тан олиш тўғрисидаги фармонларни имзолади. Бу бу ҳақда расмий манбаларга таяниб, “РИА новости” хабар берди.

“Халқаро ҳуқуқнинг умумэътироф этилган тамойиллари ва нормаларига мувофиқ, Херсон вилояти аҳолисининг хоҳиш-иродасини инобатга олган ҳолда Бирлашган Миллатлар Ташкилоти Уставида мустаҳкамланган халқларнинг тенг ҳуқуқлилиги ва ўз тақдирини ўзи белгилаши тамойилини тан олган ва тасдиқлаган ҳолда 2022 йил 27 сентябрда бўлиб ўтган референдум бўйича Херсон вилоятининг суверенитети ва мустақиллиги тан олинсин”, – дейилади ҳужжатда.

Иккинчи шунга ўхшаш фармон Запорожье вилоятининг суверенитети ва мустақиллигини тан олишга ишора қилади.

Бир кун аввал маълум бўлишича, Кремлда тўртта янги ҳудуд – Донецк ва Луганск халқ республикалари, шунингдек, Херсон ва Запорожье вилоятларининг Россия таркибига кириши бўйича келишувларни имзолаш маросими бўлиб ўтади. Унда Путин ва парламент аъзолари иштирок этади.

Давлат раҳбари матбуот котиби Дмитрий Песковнинг айтишича, маросим Тошкент вақти билан соат 17:00 да бошланиши режалаштирилган. Унга кўра, референдумлар ўтказилган барча тўртта субъэкт билан Россияга қўшилиш тўғрисидаги битим имзоланади. Шу куни Путин ушбу ҳудудлар раҳбарлари билан учрашади.

Қайд этиш мумкин, 23-27 сентябр кунлари ДХР ва ЛХРда, шунингдек, Херсон ва Запорожье вилоятларнинг Россия таркибига кириши бўйича референдумлар ўтказилди. Қайд этилган барча ҳудудларда овоз берганларнинг мутлақ кўпчилиги ушбу масалани ёқлаб чиққан.

Бироқ, Ғарб мамлакатлари ушбу ҳудудлар тўлалигича Украина ҳудуди эканини таъкидламоқда.

• Donetsk
• Lugansk
• Путин
• Россия
• Украина
• Херсон