Шимолий Корея етакчиси Ким Чен Ин ва Россия Президенти Владимир Путин ўртасида бугун, 3 сентябрь куни Пекинда учрашув бўлиб ўтди.

“Россияга ёрдам бера олишимиз мумкин бўлса, буни албатта бажарамиз, бу биродарлик бурчимиз ва Россияга ёрдам бериш учун ҳаммасига тайёрмиз”, – деган Ким Чен Ин.

Путин эса сўнгги пайтларда икки мамлакат ўртасидаги муносабатлар ўзига хос, ишончли ва дўстона, иттифоқчилик характерига эга бўлганини қайд этиб, бугунги тадбирлар доирасида Ким Чен Ин билан алоҳида учрашув ўтказиш имконига эга бўлганидан жуда мамнун эканини билдирган.

“Сизнинг ташаббусингиз билан, КХДРнинг махсус бўлинмалари икки давлат ўртасидаги янги шартномага мувофиқ ҳолда Курск вилоятини озод қилишда қатнашди”, — дея таъкидлаган Путин.

“Мен шуни таъкидламоқчиманки, сизнинг қуролли кучларингиз ва ҳарбийларингиз оилалари берган қурбонликларни биз ҳеч қачон унутмаймиз”, — деди Путин ва Ким Чен Инга Шимолий Корея халқига миннатдорчилик билдиришни сўраган.

• КХДР
• Kim Chen In
• Музокара
• Pekin
• Путин
• Россия