15°
Кечаси 2°
Тошкент шаҳар ИИББ ЖТСБ Карантин тадбирларини таъминлаш гуруҳи ходимлари томонидан шаҳарга сифатсиз гўшт маҳсулотлари олиб кириш ҳолати аниқланди. Бу ҳақда пойтахт ИИБ матбуот хизмати хабар берди.
Қайд этилишича, “Эркин” ЙПХ масканида ИИБ ходимлари томонидан “Қашқадарё-Тошкент” йўналишида ҳаракатланиб келаётган 1989 йилда туғилган Сарвар Т. бошқарувидаги Isuzu русумли автотранспорт воситаси тўхтатиб текширилганида, унинг юкхонасида 6 бош тирик ва 1 бош тахминан 350 килограмм оғирликдаги от гўшти борлиги аниқланган.
"Гўшт маҳсулоти Озиқ-овқат маҳсулотлари хавфсизлиги лабораториясида текширувдан ўтказилди ва истеъмолга яроқсизлиги маълум бўлди. Шунга кўра, сифатсиз гўшт маҳсулоти тегишли тартибда йўқ қилинди”, – дейилади хабарда.
Шундай қилиб, карантин тадбирларини таъминлаш гуруҳи ходимлари томонидан олиб борилган ишлар натижасида 350 килограмм гўшт маҳсулотларини тегишли ҳужжатларсиз пойтахтга олиб кириш факти олди олинди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
