Қўқон шаҳридаги Худоёрхон ўрдасида “Ethnosport challenge – 2022” фестивали бошланди

Тадбирни Туризм ва маданий мерос вазири ўринбосари Бахтиёр Ибрагимов, Қўқон шаҳар ҳокими Маъруф Усмонов ҳамда Ўзбекистон Этноспорт ассоциацияси раиси Ойбек Норинбоевлар очиб беришди.

Фестивал дастуридан бир-биридан қизиқарли миллий халқ ўйинлари ҳамда цирк томошалари ўрин олган. Тадбир иштирокчилар ҳамда меҳмонларга унутилмас таассуротларни ҳадя этмоқда.

Тадбир давомида ҳунармандлар томонидан ишланган бир нечта ижод намуналари кўрсатилди

Шунингдек, ижодкор ёшлар ўзларининг ижод намуналарини намойиш этишди.

Мазкур фестивалда миллий спорт турлари вакиллари ўз чиқишларини кўрсатишди.

Тадбир ярмида эса “Баҳодирлар ўйини” бўлиб ўтди. Бунда республикамизнинг бир нечта вилоятларидан келган полвонлар ўзларини нималарга қодир эканликларини намойиш этдилар.

• Этноспорт
• фестиваль
• Qo'qon