Хитой ташқи ишлар вазири Ван И АҚШ Давлат котиби Энтони Блинкен билан телефон орқали мулоқоти чоғида Хитой ва АҚШ ўртасидаги зиддият нейтраллашганини маълум қилди.

“Сўнгги воқеаларни ҳисобга олган ҳолда, биз Хитой ва АҚШ ўртасидаги икки томонлама муносабатлардаги ёмонлашув босқичма-босқич тўхтаб, барқарорлик ўрнатилаётганига гувоҳ бўлмоқдамиз, бу ҳам мамлакатларимиз, ҳам халқаро ҳамжамият томонидан қайд этилган ва юқори баҳоланмоқда”, – деди Ван И. Бу ҳақда Хитой Ташқи ишлар вазирлиги матбуот хизмати хабар берди.

Ван И Қўшма Штатлар Хитой томон қадам ташлашга, пайдо бўлаётган тўсиқларни енгиб ўтишга, Хитойнинг асосий манфаатларини ҳурмат қилишга ва Хитой-АҚШ муносабатларининг барқарор ривожланишини тиклашга ёрдам беришга тайёрлигини билдирди.

• АҚШ
• Entoni Blinken
• Van I
• Хитой