Ҳашаматли автомобиллар ишлаб чиқарувчи “Rolls-Royce” Буюк Британия космик агентлиги билан ҳамкорлик қилмоқда. Мақсад: Ой ва Марсга учиш учун ишлатилиши мумкин бўлган ядро реакторини яратишдан иборат.

Қайд этилишича, “Rolls-Royce” муҳандислари аллақачон бундай реакторнинг биринчи прототипини ишлаб чиқарган. У ракеталар, сайёра станциялари ва базалар учун асосий энергия манбайи сифатида ишлатилиши мумкин. Бренд реактор суратларини ҳам иштимоий тармоқлар орқали бўлишди.

Маълумки, бу миниатюра атом электр станцияси. Муҳандисларнинг фикрича, уран зарралари (асосий ядро ёқилғиси) ҳатто экстремал шароитларда ҳам хавфсиз фойдаланиш учун бир неча қатламларга ўралган.

“Rolls-Royce” ядровий реакторни “сайёра сиртини космик тадқиқ қилишда фойдаланиш ёки космик кемани қувватлантириш ҳамда ҳаракатга келтириш учун мўлжалланган мустақил ва энергияни кўп талаб қилувчи ечим” деб таърифлайди.

Нима учун “Rolls-Royce” коинотга “кўтарилмоқчи?”

Космик тадқиқотлар ҳар йили ўсиб бораётган улкан бизнес ва “Rolls-Royce” компанияси буни яхши тушунади. Компания муҳандислари нафақат қимматбаҳо автомобиллар учун двигателлар, балки космик агентликларга етказиб берилиши мумкин бўлган янада мураккаб технологияларни ҳам яратиши мумкин.

“Rolls-Royce” фақатгина автомобиллар билан машҳур эмас. Масалан, компания йўловчи самолётлари учун турбиналар етказиб берувчи йирик корпорациялардан бири ҳисобланади.

Қайд этиш мумкин, “Rolls-Royce Motor Cars” BMW AG корпорациясининг “Rolls-Royce” бренди остида ҳашаматли автомобиллар ишлаб чиқаришга ихтисослашган бўлинмаси ҳисобланади.

Инглиз компанияси ишлаб чиқарган автомобиллар бутун дунё бўйлаб фақат буюртмаларга асосан ишлаб чиқарилади ва аксариятининг нархи жуда қиммат.

1998 йилда “Vickers” концерни эгалари “Rolls-Royce Motors” активларидан халос бўлишга қарор қилган. Энг жозибали харидор Германиянинг BMW автомобиль ишлаб чиқарувчиси бўлиб, у аллақачон “Rolls-Royce” ва “Bentley” автомобиллари учун двигателлар ва бутловчи қисмларни етказиб берар эди, бироқ BMW якуний таклифи 340 миллион фунт стерлинг таклиф қилган.

• Автомобил
• Rolls-Royce