Шерзодхон Қудратхўжанинг интервюси ортидан Ўзбекистоннинг Россиядаги элчиси Ботиржон Асадов Ташқи ишлар вазирлигига чақиртирилди. Бу ҳақда “РИА новости” хабар берди.

Қайд этилишича, бунга Журналистика ва оммавий коммуникациялар университети ректори, журналист Шерзодхон Қудратхўжанинг ўзбек тилини билмайдиган республика фуқаролари ҳақидаги интервюси сабаб бўлган.

“Бундай мулоҳазаларнинг мазмуни ва оҳанги Россия ва Ўзбекистонни боғловчи чуқур стратегик шериклик ва иттифоқчилик муносабатларига мутлақо зиддир” – дея ўз норозилигини ифодалаган Россия ТИВ.

Шунингдек, департамент яқин орада Ўзбекистон Ташқи ишлар вазирлиги ушбу баёнотларга тўғри баҳо берилган расмий изоҳ тақдим этишини талаб қилган.

• Elchixona
• Россия
• Sherzodxon Qudratxo‘ja