Тошкентда “Заковат” интеллектуал ўйинининг биринчи Осиё очиқ чемпионати якунланди. Ёпилиш маросими 13 август, якшанба куни “Ўзбеккино” очиқ павильонида ташкил этилди.

Маросимга Президент администрацияси ижро этувчи аппаратининг Коммуникациялар ва ахборот сиёсати бўйича шўъба мудири Саида Мирзиёева ташриф буюрди.

“Мен бундай ажойиб ўйинларни тақдим этган барча иштирокчилар, уларнинг ота-оналари ва устозларини алоҳида табриклайман. Тошкент — барчамиз учун бутун дунёни ҳамжиҳатлик, дўстлик ва инсонийлик сари ўзгартирган бурилиш нуқтаси бўлиб қолишига умид қилиб қоламан”, – деб ёзди Саида Мирзиёева ўз Telegram саҳифасида.

Икки кунлик йирик турнирда Ўзбекистон, Исроил, Кипр, Германия, Арманистон, Қозоғистон, Беларусь, БАА, Латвия, Дания, Туркманистон, Қирғизистон, Тожикистон, Россия каби 14 мамлакатдан 55 та жамоа ғолиблик учун кураш олиб борди. 

Турнир спортча версияси ҳамда брейн-ринг ўйини бўйича олиб борилди. Спортча шакли учун мусобақа 6 та турга ажратилди ва ҳар битта тур учун 15 та савол ўйналди.

“Заковат” ўйинининг спортча версиясида ғолиб жамоалар қуйидаги миқдорда тақдирланди:

• 1-ўрин: 100 миллион сўм — GG (Ўзбекистон, Қозоғистон, Арманистон);
• 2-ўрин: 60 миллион сўм — “Борский корабль” (Россия);
• 3-ўрин: 40 миллион сўм — “Басенджи” (Россия, Қозоғистон).

Брейн-ринг ўйинида эса ғолиб Қозоғистон ва Россия вакилларидан иборат жамоа “Басенджи” жамоасига махсус тайёрланган биринчи Осиё очиқ чемпионати кубоги топширилди.

• Саида Мирзиёева
• Заковат