Ўзбекистон Республикаси Бош прокурорининг матбуот котиби Ҳаёт Шамсутдиновнинг маълум қилишича, 2005 йилда туғилган фуқаро (қиз бола) С.М. 19 февраль куни соат 17:00 атрофида Самарқанд шаҳри Мирзобедил кўчасида жойлашган турар жой мажмуасининг 9-қават деразасидан пастга ташлаб ўз жонига қасд қилган.

Ҳодиса жойи тергов тезкор гуруҳи томонидан кўздан кечирилиб, М.Садуллаеванинг ўлим сабабини аниқлаш мақсадида суд-тиббий экспертизаси тайинланган. Ҳодиса жойини кўздан кечиришда М.Садуллаевага тегишли бўлган уяли телефон аппаратлари олиб қўйилган ва иш учун аҳамиятли маълумотлар мавжудлигига аниқлик киритиш учун “Киберхавфсизлик маркази” ДУКга компьютер техникавий экспертизаси тайинланган.

Ҳозирда мазкур ҳолат юзасидан Самарқанд шаҳар прокуратураси томонидан терговга қадар текширув ҳаракатлари олиб борилмоқда.

• Ўзбекистон
• Самарқанд
• суиқасд