“Ўзбекистон Бош консулхонаси кўмагида Россиянинг Санкт-Петербург шаҳрида қаровсиз қолган беш нафар вояга етмаган юртдошимизнинг Ўзбекистонга қайтарилиши таъминланди”, деб хабар қилмоқда “Дунё” ахборот агентлиги.

Мазкур тадбир Ўзбекистон Ички ишлар ва Соғлиқни сақлаш вазирликлари вакиллари билан биргаликда амалга оширилган.

Ота-она қарамоғисиз қолган болалар Санкт-Петербургдаги вояга етмаганлар учун ижтимоий реабилитация марказлари ва болалар учун Транзит ижтимоий бошпанасига жойлаштирилган.

Ўзбекистондан борган ишчи гуруҳ билан ҳамкорликда болаларни ватанга қайтариш бўйича барча керакли ҳужжатларни тўпланиб, Бош консулхона болаларга репатриация сертификатларини бепул тақдим этган.

Болалар мутасаддилар ҳамроҳлигида Санкт-Петербург-Тошкент йўналишидаги самолёт билан Ўзбекистонга кузатиб қўйилган.

• Болалар
• Ўзбекистонлик
• Россия
• Sankt-Peterburg