Марказий банк жорий йил 8 феврал куни “Сўм рамзи”ни яратиш бўйича танлов эълон қилган эди.

Маълум қилинишича, танлов учун аризалар қабул қилиш 2022 йил 31 мартга қадар белгиланган бўлиб, бу муддатдан кейин келиб тушган ариза ва ишлар танловда иштирок этмайди.

Марказий банк хабарига кўра, танловга 31 мартгача 16 мингга яқин аризалар келиб тушган. Танлов ишларини баҳолаш учун Марказий банк вакиллари, Камолиддин Беҳзод номидаги Миллий рассомлик ва дизайнерлик институти ва Интеллектуал мулк агентлигининг мутахассисларини ўз ичига олган танлов ҳайъати тузилади.

Ғолиблар 2 босқичда аниқланади:

1 босқич: саралаш босқичи – Саралаш босқичида Танлов ташкилий қўмитаси ишларни техник талабларга мослигини текшириб, якуний босқичга ўтказиш учун муносиб ишлар бўйича танлов ҳайъати аъзоларига таклиф киритади.

2 босқич: якуний босқич – танлов ишлари 2022 йил 1 апрелдан 30 апрелгача Танлов ҳайъати томонидан баҳоланади ҳамда энг яхши иш аниқланади ва Интеллектуал мулк агентлиги хизматидан фойдаланган ҳолда “Сўм рамзи” лойиҳаси учун контрафакцияга текширилади.

Якуний қарор май ойида эълон қилинади.

• Марказий банк
• Сўм