Telegram мессенжери ноодатий стикерлар, 4 GB гача файл юклаш ва рекламаларни ўчириш каби имкониятларга эга бўлган пуллик Premium обунасини ишга туширди.

Telegram жамоаси бошқа янгиликлар қаторида овозли хабарларни ёзувли шаклга ўтказиш, доимо ёниб турувчи видео аватарлар, махсус обуначи нишони ва иловалар учун янги пиктограммаларни алоҳида таъкидламоқда.

Нархи ойига 5 АҚШ доллари бўлади.

Пуллик обунага уланган фойдаланувчилар қуйидаги имкониятларга эга бўлиши мумкин:

• 4 ГБгача бўлган файлларни юклаб олиш;
• медиа ва ҳужжатларни максимал тезликда юклаш;
• мингта каналга обуна бўлиш;
• овозли хабарларни матнга айлантириш;
• обуначилар сони кўп бўлган оммавий каналларда рекламани ўчириш;
• ноёб стикерлар ва реакцияларни юбориш;
• премиум стикерлар;
• диалогларнинг кенгайтирилган бошқаруви;
• профил белгиси;
• анимацион аватарлар.

• Дуров
• Обуна
• Телеграм
• Янгилик
• қизиқарли
• технология