Telegram асосчиси Павел Дуров мессенжерда ички валюта ишга туширилганини эълон қилди, деб ёзади Meduza. У Telegram Stars (“Юлдузлар”) деб номланиб, ботлар ва мини-иловаларда рақамли хизматларга ҳақ тўлашда ишлатилиши мумкин.

Компания блогида хабар берилишича, “юлдузлар”ни Apple ва Google дўконларида интеграция қилинган харидлар тизими орқали ёки PremiumBot боти ёрдамида сотиб олиб, сўнг Telegram платформасида электрон китоблар ва онлайн-курслардан тортиб ўйинлардаги буюмларгача бўлган исталган рақамли маҳсулотларга сарфлаш мумкин.

Мини-иловалар ишлаб чиқувчилари кейинчалик ишлаб топилган “юлдузлар”ни Fragment платформаси орқали Toncoin криптовалютасига айлантириши мумкин. Шунингдек, ички валютани ўз иловаларини Теlegram’да реклама қилиш учун ҳам ишлатиш мумкин.

• Телеграм